28 მარტს ქართულ-ამერიკულ სკოლაში ლიტერატურულ-მუსიკალური საღამო "ასე უყვარდათ საქართველოში" გაიმართა. ეროვნულ ტანისამოსში გამოწყობილმა მონაწილეებმა მაყურებელს ქართველი ბუმბერაზი პოეტებისა და საზოგადო მოღვაწეების სიყვარულის ამბები გაუზიარეს. მე-9-2 კლასის მოსწავლეებთან ერთად ღონისძიებაში მონაწილეობდნენ მათი დედმამიშვილები და მშობლები . ემოციური და შთამბეჭდავი იყო მუსიკალური ნომრები, ეროვნული ცეკვები და ძველი ქართული ჰანგები. ღონისძიების რეჟისორი და ორგანიზატორი - პედაგოგი თამარ წერეთელი. მუსიკალური ხელმძღვანელი - ია ხურცილავა

ქართულ-ამერიკული სკოლის მე-5(3) კლასის გუნდმა „არგონავტებმა“ ინტელექტუალური თამაშის – „ტვინების ბრძოლის“ საქალაქო პირველობაზე გაიმარჯვა! გუნდის შემადგენლობა: კაპიტანი: ალექსანდრე ჯაჯვანი, ელენე იოსელიანი, ბარბარა პაპიაშვილი, აჩი წერეთელი, ნიცა გოგობერიშვილი დამრიგებელი: ნინო ბართიშვილი გილოცავთ, ძვირფასო მოსწავლეებო! #ტვინებისბრძოლა   #ინტელექტუალურითამაში   #არგონავტები   #ქართულიამერიკულისკოლა   #წარმატება   #საგანმანათლებლოვიქტორინა

ქართულ-ამერიკულ სკოლაში წარმატებით გაიმართა შეხვედრა ფსიქოლოგ ნინო ქვარიანთან, რომელსაც ორგანიზება გაუწია სკოლის ფსიქოლოგმა, ანი ასათიანმა. ქალბატონი ნინო ქვარიანი არის ფსიქოლოგი და ფსიქოკონსულტანტი, ფსიქოლოგიური კომპანია „საფეხურის“ დამფუძნებელი, რომელსაც 26 წლიანი გამოცდილება აქვს მოზარდებთან და ზრდასრულებთან მუშაობაში.  საუბრის თემა იყო ბავშვებში ასაკობრივი კრიზისები, მათი მიზეზები და დაძლევის გზები.  შეხვედრა ინტერაქციული იყო, მშობლებს მიეცათ შესაძლებლობა დაესვათ კითხვები და მიეღოთ რჩევები.  მადლობას ვუხდით ქალბატონ ნინოს საინტერესო შეხვედრისთვის და მშობლებს — აქტიური მონაწილეობისათვის!

ქართულ-ამერიკული სკოლის ესთეტიკის კათედრის ორგანიზებით გაიმართა საქველმოქმედო გამოფენა-გაყიდვა, რომელშიც სასკოლო საზოგადოება დიდი სიხარულითა და ენთუზიაზმით ჩაერთო. გამოფენა-გაყიდვიდან შემოსული თანხით შეძენილ იქნა სურსათი და პირველადი საჭიროების ნივთები, რომლებიც გადაეცა მრავალშვილიან სოციალურად დაუცველ ოჯახებს.  ხარება — ახალი ცხოვრების, იმედისა და ბედნიერი მოლოდინის დღესასწაული — განსაკუთრებულად შეეხამა ამ კეთილშობილურ ინიციატივას. აღსანიშნავია, რომ ქართულ-ამერიკული სკოლა აქტიურად უწყობს ხელს მოსწავლეებში სოციალური პასუხისმგებლობის განვითარებას. #სიკეთეგადამდებია   #ქველმოქმედება

ქართულ-ამერიკულ სკოლაში გაიმართა შეხვედრა იმ მოსწავლეებთან, რომლებიც წელს მონაწილეობდნენ მნიშვნელოვან საერთაშორისო პროექტებში : გაეროს მოდელირების კონფერენცია – ნიუ-იორკი ჰარვარდის მოდელირების კონგრესი – ბრიუსელი ნატოსა და ევროკავშირის შესახებ საინფორმაციო ცენტრის მიერ ორგანიზებული ტრენინგ-სიმულაცია "დეზინფორმაცია და პროპაგანდის მეთოდები/ტექნიკები" შეხვედრას ესწრებოდნენ სკოლის დირექტორი ქ-ნი ირმა მესხიშვილი და ისტორიის პედაგოგი, გაეროს მოდელირების კლუბის ხელმძღვანელი ქ-ნი ანჟელა ბოკუჩავა. მოსწავლეებმა გაუზიარეს დამსწრეებს თავიანთი შთაბეჭდილებები , ისაუბრეს გამოწვევებზე , დაუვიწყარ ემოციებსა და მიღებულ გამოცდილებაზე . მათი მონათხრობი ნათლად წარმოაჩენდა, თუ რამდენად მნიშვნელოვანია ახალგაზრდებისთვის საერთაშორისო პროექტებში მონაწილეობა . შეხვედრის დასასრულს მოსწავლეებს გადაეცათ სერტიფიკატები – აქტიური ჩართულობისა და მიღწევების აღსანიშნავად.

1 და 2 აპრილს ქართულ-ამერიკულ სკოლაში გაიმართა ინტელექტუალური თამაშის - „ტვინების ბრძოლის“ შიდა სასკოლო ჩემპიონატი! მეოთხედან მეთერთმეტე კლასის ჩათვლით, მოსწავლეები ასაკობრივი ჯგუფების მიხედვით ერთმანეთს ეჯიბრებოდნენ ცოდნაში, ლოგიკურ და ანალიტიკურ აზროვნებაში. ვულოცავთ ყველა მონაწილეს და წარმატებას ვუსურვებთ გამარჯვებულ გუნდებს, რომლებიც ჩვენს სკოლას საქალაქო პირველობაზე წარადგენენ! #ტვინებისბრძოლა #ინტელექტუალურითამაში #GeorgianAmericanSchool #სკოლისცხოვრება #განათლება #ახალგაზრდაინტელექტუალები

პროექტი „მოქალაქეების თავდაცვისუნარიანობის ამაღლება“ (საგანი - მოქალაქეობა) ფარგლებში, მე-11/1 კლასის მოსწავლეების და პედაგოგის, ქრისტინე ღონღაძის ინიციატივით, ქართულ-ამერიკულ სკოლას ესტუმრნენ საზოგადოებრივი ორგანიზაცია „აისის“ წარმომადგენლები. შეხვედრის დროს სტუმრებმა მოსწავლეებს გაუზიარეს „აისის“ შექმნის მიზნები, ისაუბრეს თავდაცვის საბაზისო უნარების ფლობის აუცილებლობაზე, გააცნეს ორგანიზაციის საქმიანობა და სასწავლო კურსები. #პროექტებითსწავლება #არაფორმალურიგანათლება

მა­ლა­ი­ზი­ის ქა­ლაქ კუ­ა­ლა-ლუმ­პურ­ში 20-25 აპ­რილს ახალ­გაზ­რდა მეც­ნი­ერ­თა 26-ე სა­ერ­თა­შო­რი­სო კონ­ფე­რენ­ცია გა­ი­მარ­თა, სა­დაც სხვა­დას­ხვა ქვეყ­ნის სკო­ლის მოს­წავ­ლე­ებ­მა მა­თე­მა­ტი­კის, ფი­ზი­კის, კომ­პი­უ­ტე­რუ­ლი მეც­ნი­ე­რე­ბის და ეკო­ლო­გი­ის დარ­გებ­ში თა­ვი­სი პრო­ექ­ტე­ბი და კვლე­ვე­ბი წარ­მო­ად­გი­ნეს. ​ სა­ქარ­თვე­ლოს ნაკ­რე­ბი ქარ­თულ-ამე­რი­კუ­ლი უმაღ­ლე­სი სკო­ლის და ქარ­თულ-ამე­რი­კუ­ლი სკო­ლის 10 მოს­წავ­ლით და­კომ­პლექტდა. ქარ­თველ­მა მოს­წავ­ლე­ებ­მა მა­თე­მა­ტი­კის სექ­ცი­ა­ში დიდ წარ­მა­ტე­ბას მი­აღ­წი­ეს – გი­ორ­გი რაზ­მა­ძე და საბა სა­ბე­კია კონ­ფე­რენ­ცი­ი­დან ოქ­როს მედ­ლით დაბ­რუნ­დნენ (თემა „იდე­ა­ლუ­რი კუ­ბო­ი­დი“); ​ თამ­თა ჯაშ­მა და ელე­ნე გვა­ლი­ამ ბრინ­ჯა­ოს მე­და­ლი და­იმ­სა­ხუ­რეს, (თემა „შა­რი­გი­ნის პრობ­ლე­მა“); კი­დევ ერთი ბრინ­ჯა­ოს მე­და­ლი ნინო ფი­ფი­ას და ლიზი მეძ­ვე­ლი­ას ხვდათ წი­ლად (თემა „კომ­პლექ­სუ­რი რი­ცხვე­ბი და გე­ო­მეტ­რია“). აღ­ნიშ­ნუ­ლი სკო­ლე­ბის მა­თე­მა­ტი­კის კა­თედ­რე­ბი ფი­ზი­კა-მა­თე­მა­ტი­კის დოქ­ტო­რი მა­მუ­კა მეს­ხიშ­ვი­ლის ხელ­მძღვა­ნე­ლო­ბით არა­ერ­თხელ აღ­წე­ვენ წარ­მა­ტე­ბულ შე­დე­გებს. სა­ქარ­თვე­ლო 2002 წლი­დან მუდ­მი­ვად მო­ნა­წი­ლე­ობს აღ­ნიშ­ნულ კონ­ფე­რენ­ცი­ა­ში და სტა­ბი­ლუ­რად იკა­ვებს საპ­რი­ზო ად­გი­ლებს. ​ კონ­ფე­რენ­ცი­ის სა­მუ­შაო ენა ინ­გლი­სუ­რია, შე­სა­ბა­მი­სად მოს­წავ­ლე­ე­ბი ნაშ­რო­მებს სა­ერ­თა­შო­რი­სო ჟი­უ­რის წი­ნა­შე ინ­გლი­სურ ენა­ზე იცა­ვენ, ამი­ტო­მაც ისი­ნი უნაკ­ლოდ უნდა ფლობ­დნენ ენას. ​ კონ­ფე­რენ­ცი­ის პა­რა­ლე­ლუ­რად, ღო­ნის­ძი­ე­ბა დატ­ვირ­თუ­ლი იყო კულ­ტუ­რუ­ლი ნა­წი­ლი­თაც – მოს­წავ­ლე­ებ­მა და­ათ­ვა­ლი­ე­რეს მუ­რუ­გა­ნის (Murugan) ქან­და­კე­ბა, ბა­ტუს კომ­პლექ­სი (Batu Caves), სულ­თან აბ­დულ სა­მა­დის (Abdul Samad) სა­სახ­ლე, სამ­თავ­რო­ბო ქა­ლა­ქი-პუტ­რა­ჯა­ია ( Putrajaya) და მა­ლა­ი­ზი­ის სიმ­ბო­ლო-პეტ­რო­ნა­სის ტყუ­პი კოშ­კე­ბი (Petronas Twin Towers), რომ­ლე­ბიც თი­თო­ე­უ­ლი 88 სარ­თუ­ლი­ა­ნია და სი­მაღ­ლით 451,9 მეტ­რია (ყვე­ლა­ზე მა­ღა­ლი ტყუ­პე­ბი მსოფ­ლი­ო­ში). და­ჯილ­დო­ე­ბის ცე­რე­მო­ნია 24 აპ­რილს, Mandarin Court Hotel-ში გა­ი­მარ­თა. ცე­რე­მო­ნი­ას სა­ქარ­თვე­ლოს ელჩი, ნი­კო­ლოზ აფხა­ზა­ვა და­ეს­წრო. ​ ახალ­გაზ­რდა მეც­ნი­ერ­თა სა­ერ­თა­შო­რი­სო კონ­ფე­რენ­ცია 1993 წლი­დან ყო­ველ­წლი­უ­რად სხვა­დას­ხვა ქვე­ყა­ნა­ში ტარ­დე­ბა. კუ­ა­ლა-ლუმ­პურ­მა აღ­ნიშ­ნულ კონ­ფე­რენ­ცი­ას პირ­ვე­ლად უმას­პინ­ძლა. კონ­ფე­რენ­ცი­ა­ში მო­ნა­წი­ლე­ო­ბა მი­ი­ღო 27 ქვეყ­ნის 157-მა მოს­წავ­ლემ.

ქართულ-ამერიკული სკოლის მე-11(1) კლასის მოსწავლეები აქტიურად მუშაობენ პროფესიული ორიენტაციის თემაზე (მოქალაქეობა- პროექტებით სწავლება). 🎯 ამ მიზნით, სკოლამ სტუმრად მოიწვია კარიერის კონსულტანტი ივეტა გოგავა , რომელმაც მოსწავლეებს DISC მეთოდოლოგი ა გააცნო. 💡 მიღებულ ცოდნასა და პრაქტიკულ გამოცდილებას ჩვენი მოსწავლეები სკოლის სხვა მოსწავლეებსაც გაუზიარებენ, რათა დაეხმარონ სწორი კარიერული გზის განსაზღვრაში. 🚀ქართულ-ამერიკული სკოლა - ადგილი, სადაც იზრდებიან ლიდერები.

ქართულ ამერიკულ სკოლაში Smart Academy-ის წარმომადგენლებმა საინტერესო ინფორმაციული შეხვედრა გამართეს. 👩‍🏫 მოწვეული სტუმრებიდან კიბერუსაფრთხოების ექსპერტმა მაიკო სვანიძემ  GAS-ელებს საინტერესო ლექცია ჩაუტარა  ისეთ თემებზე, როგორებიცაა: 🔹 კიბერუსაფრთხოება 🔒 🔹 ციფრული ჰიგიენა 🖥️✨ 🔹 კიბერ ბულინგი 🚨 🔹 სოციალური ინჟინერია 🎭 🔹 ჰეშის ფუნქციები 🔢 🏆 ლექციის დასასრულს გამართულ ქვიზში, გამარჯვებული საბა ღამბაშიძე გახდა , რომელმაც კიბერუსაფრთხოების სრული სალექციო კურსი მოიგო . 🙏 გმადლობთ Smart Academy-ს და მაიკო სვანიძეს სასარგებლო და ინსპირაციული შეხვედრისთვის!

ქართულ-ამერიკული სკოლის მოსწავლეთა წარმატებული STEM პროექტ ი: კომპიუტერული თამაში "კვანტური გლიჩი"    STEM განათლება ჩვენთვის მხოლოდ თეორია არ არის – ეს არის სივრცე, სადაც ახალი გამოგონებები იბადება.  ტვ იმედის გადაცემა „იმედის დილის“ რუბრიკა „გამომგონებლები“ დაეთმო ჩვენი მოსწავლეების – არჩილ ბერაიასა და ვახტანგ გოგიას – საინტერესო პროექტს. მათ შექმნეს საგანმანათლებლო კომპიუტერული თამაში კვანტური ფიზიკის თემაზე, STEM მიმართულების მენტორის, გოგა სუქნიძის, ხელმძღვანელობით.      ფიზიკით დაინტერესებულ მოსწავლეებს საშუალება ექნებათ, თამაშით გაეცნონ კვანტური მექანიკის საფუძვლებს. პროექტზე მუშაობა კვლავ მიმდინარეობს, რათა თამაში ვიზუალურად კიდევ უფრო საინტერესო და თანამედროვე გახდეს.   ქართულ-ამერიკული სკოლა - ადგილი სადაც იზრდებიან წარმატებული თაობები . ვამაყობთ ჩვენი ნიჭიერი მოსწავლეებით და ველოდებით მათ ახალ წარმატებებს! #Invention   #QuantumGame   #STEM   #FutureInnovators   #EducationForTomorrow   #სტემგანათლება   #STEMEDUCATION   #QLAB

სასკოლო ცხოვრებაში მშობელთა ჩართულობის პროექტის ფარგლებში, VI (2) კლასის დამრიგებლის, ეკატერინე ყიფიანის ორგანიზებით და სკოლის ფსიქოლოგის, ნინო ფირცხალაიშვილის ხელმძღვანელობით, გაიმართა პოპულარული ვორქშოპი „მადლიერება“. შეხვედრის მიზანი იყო მადლიერების, როგორც პიროვნული რესურსის გაცნობიერება ასევე, მშობლების, შვილების, ოჯახის წევრების, მეგობრების მიმართ მადლიერების გამოხატვა, დადებითი ემოციების გამოწვევა და გაზიარება, რაც მნიშვნელოვან როლს ასრულებს ცხოვრების ხარისხის გაუმჯობესებაში. მეტაფორული ასოციაციური ბარათების დახმარებით , შეხვედრის მონაწილეებმა გულწრფელად გაიაზრეს და ერთმანეთს გაუზიარეს ყველაზე ღირებული გამოცდილება, რის გამოც მათ უჩნდებათ მადლიერების განცდა. მადლიერება - პოზიტიური ცვლილებების დასაწყისი! #ქართულ_ამერიკული_სკოლა #მადლიერება #პოზიტიური_განწყობა #სკოლის_ცხოვრება #ფსიქოლოგია #ფსიქოლოგის_საათი