ვაკის ქართულ- ამერიკული უმაღლესი სკოლა
ვაკის ქართულ-ამერიკულ უმაღლეს სკოლაში მოსწავლეთა ფსიქო-ემოციური კეთილდღეობა უმთავრესი პრიორიტეტია. სკოლის ფსიქოლოგები - ნინო ფირცხალაიშვილი და ნია ასათიანი აქტიურად მუშაობენ იმაზე, რომ თითოეულ მოსწავლეს შეექმნას უსაფრთხო, მხარდამჭერი და განვითარებაზე ორიენტირებული სასწავლო გარემო.
ფსიქოლოგიური მომსახურება მოიცავს ინდივიდუალურ და ჯგუფურ შეხვედრებს როგორც მოსწავლეებთან, ასევე მშობლებთან და მასწავლებლებთან. პროცესის მიზანია ხელი შეუწყოს მოსწავლეთა პიროვნულ განვითარებას, ემოციური მდგომარეობის გაწონასწორებასა და სასკოლო ცხოვრებაში ადაპტაციას.
გარდა კონსულტაციების უზრუნველყოფისა, ჩვენი ფსიქოლოგები ახორციელებენ სპეციალურ ტრენინგებს, საინფორმაციო სესიებსა და პრაქტიკულ ვორქშოპებს, რაც კიდევ უფრო აძლიერებს სკოლაში ჯანსაღი და შემოქმედებითი გარემოს ფორმირებას.
