V კლასის საზეიმო დასასრული და ახალი ეტაპის ფერადი დასაწყისი

ჩვენს სკოლაში მეხუთე კლასის დასრულება მნიშვნელოვანი ეტაპია, რადგანაც მომავალი სასწავლო წლიდან მოსწავლეები სწავლას უკვე უფროსკლასელთა შენობაში გააგრძელებენ, სადაც ახალი გამოწვევები, შესაძლებლობები და საინტერესო აღმოჩენები ელით.

ამ განსაკუთრებული დღის აღსანიშნავად, მე-5 კლასის მოსწავლეებმა ერთმანეთს პერანგებზე სამახსოვრო ჩანაწერები დაუტოვეს. ღონისძიებაზე ბავშვებმა წაიკითხეს ლექსები, იმღერეს, იცეკვეს და კიდევ ერთხელ აჩუქეს დამსწრეებს დაუვიწყარი ემოციები.

დღე კიდევ უფრო საზეიმო გახადა სკოლის დირექტორის მილოცვამ, სადღესასწაულო ტორტმა და მხიარულმა აქტივობებმა.